Landspítalinn hefur notað og dreift iðnaðarheróíni í staðinn fyrir morfín hér á landi í að minnsta kosti 6 ár. Landlæknisembættið heimilaði sölu á umframbirgðum af heróíninu sem náðist ekki að klára á jólaskemmtun tollvarða í fyrra þótt það sé brot á eiturlyfjalöggjöfinni. Heilbrigðiseftirlit Reykjavíkur er mjög ósátt við málið.

Á Ísafirði hefur snjór legið svo lengi á jörð að til vandræða horfir sökum óhreininda í snjónum. Börn hafa pissað í snjóinn, bílar hafa spænt upp baneitraða malbikstjöru sem blandast við snjóinn og til að bæta gráu ofan á svart (í bókstaflegri merkingu því snjórinn er víða svartur af skít) eykst tvívetnismónoxíðmengun í snjónum hröðum skrefum í hvert sinn sem rignir (sem reyndar gerist nær aldrei þarna norður undir heimskautsbaug).